షాకింగ్: ఆగిపోయిన `అర్జున్‌ రెడ్డి` ఆన్‌లైన్‌లో రిలీజ్‌

జాతీయ స్థాయిలో సంచలనం సృష్టించిన తెలుగు సినిమా అర్జున్‌ రెడ్డి. విజయ్‌ దేవరకొండ హీరోగా సందీప్‌ రెడ్డి వంగా దర్శకత్వంలో తెరకెక్కిన ఈ సినిమా ఎన్నో వివాదాలు సృష్టించటంతో పాటు అదే స్థాయిలో విజయం కూడా సాధించింది. సినీ ప్రముఖులు కూడా అర్జున్‌ రెడ్డి సినిమాను ప్రశంసించటంతో ఈ సినిమా రీమేక్‌ హక్కుల కోసం గట్టి పోటి కనిపించింది. ఈ సినిమాను కోలీవుడ్‌తో విక్రమ్‌ తనయుడు ధృవ్‌ విక్రమ్‌ హీరోగా రీమేక్‌ చేశారు. ముందుగా ఈ సినిమాను వర్మ పేరుతో స్టార్ డైరెక్టర్ బాలా దర్శకత్వంలో తెరకెక్కించారు. అయితే బాలా రూపొందించిన వర్షన్‌ నిర్మాతలకు నచ్చకపోవటంతో ఈ సినిమాను పూర్తిగా పక్కన పెట్టేసి కొత్తగా మరో దర్శకుడితో తెరకెక్కించారు. Also Read: వర్మ సినిమా పేరును ఆదిత్య వర్మగా మార్చి మళ్లీ రూపొందించారు. అర్జున్‌ రెడ్డి ఒరిజినల్‌ వర్షన్‌కు దర్శకత్వ శాఖలో పనిచేసిన గిరీశయ్య దర్శకత్వంలో ఈ సినిమాను రూపొందించారు. ఇటీవల విడుదలైన ఆదిత్య వర్మకు సూపర్‌ హిట్ టాక్‌ రావటంతో చిత్రయూనిట్ ఆనందంగా ఉన్నారు. అయితే తాజాగా నిర్మాతలు ఓ షాకింగ్ నిర్ణయం తీసుకున్నట్టుగా తెలుస్తోంది. బాలా దర్శకత్వంలో తెరకెక్కిన వర్షన్‌ `వర్మ` సినిమాను ఇప్పుడు ఆన్‌లైన్‌ రిలీజ్‌ చేసే ప్లాన్‌లో ఉన్నారట. డైరెక్టర్‌ బాలా క్రేజ్‌ను క్యాష్ చేసుకునేందుకు ఆయన దర్శకత్వంలో తెరకెక్కిన అర్జున్‌ రెడ్డి వర్షన్‌ను నెట్‌ఫ్లిక్స్‌లో రిలీజ్ చేసేందుకు రెడీ అవుతున్నారు. త్వరలోనే ఇందుకు సంబంధించి అధికారిక ప్రకటన వెలువడే అవకాశం ఉంది. Also Read: బాలీవుడ్‌లోనూ అర్జున్‌ రెడ్డి ఘనవిజయం సాధించింది. హిందీతో సందీప్‌ రెడ్డి వంగా దర్శకత్వంలోనే అర్జు్న్‌ రెడ్డి సినిమాను రీమేక్‌ చేశారు. షాహిద్‌ కపూర్‌, కియారా అద్వానీ హీరో హీరోయిన్లుగా తెరకెక్కిన ఈ సినిమా అక్కడ కూడా సూపర్‌ హిట్ అయ్యింది. బాలీవుడ్‌లోనూ ఎన్నో వివాదాలు సృష్టించిన ఈ సినిమా దాదాపు 300 కోట్లపైగా వసూళ్లు సాధించింది.

https://ift.tt/2RFJXtz
from Telugu Movie News | Movie News in Telugu | Movie Gossips in Telugu
https://ift.tt/36jD7Os